الأربعاء، 3 ديسمبر، 2008

- طوابير.

السلام عليكم ورحمة الله وبركاته

أهلاً بكم

يختلف معنى طابور من مكان إلى أخر ومن زمان إلى أخر....
فيوجد جبل طابور فى فلسطين ليشهد على أحداث دينية

عند اصحاب الديانات الأخرى
غير المسلمة...
وهو من الجبال التى تشهد طبيعة جميلة وأشجار الصنوبر الاصيلة..


ويبدأ بطابور الصباح الطلاب فى المدارس ليقوموا بعملية إحماء سريع

وتنشيط بدنى قبل البدأ فى اليوم الدراسى من خلال بعض الحركات

التى يأمرهم بها مدرس التربية الرياضية فى المدرسة...

ونبعد كل البعد عن لفظ الطابور الخامس وهو تعبير نشأ أثناء الحرب الأهلية

الإسبانية التي نشبت عام 1936 م
وأول من أطلق هذا التعبير هو

الجنرال كويبو كيللانو

أحد
قادة القوات الثائرة الزاحفة على مدريد ..
ولفظ الطابور الخامس يعنى الخونة والمنافقين ومروجى الإشاعات والمندسين

بين صفوف الشعب لإعطاء معلوماتهم للعدو سواء كان
داخليا أو خارجيا........
ونذهب مسرعين إلى طابور الجيش الذى لا يوجد فى نظامه وحزمه..
ونمر على طوابير العالم الثالث او ما يسمونها بطوابير المجاعات حيث

يتجمع الفقراء والجوعى فى طوابير

لأخذ حصتهم من عربات
الأمم المتحدة(U.N).
أما ماهو أهم فهو طابور الخبز"العيش" الذى لا نظام فيه ولا رحمة او ما يماثله

من طوابير الجمعيات الإستهلاكية
أو طوابير التقدم لوظائف

أو طوابير الحجز لتذاكر
ولا سيما تذاكر السينما ومباريات كرة القدم....

وهذه الطوابير وأخطرها "طابور العيش"
تحتاج لمعاملة خاصة فتحتاج

سيارة إسعاف وعربة مطافىء وسيارة نجدة
تأهباً لحدوث أى كوراث بشرية

فهذه الطوابير أشبه بحرب أهلية تدور يومياً
أمام أفران الخبز

على مستوى الجمهورية ...

ولكن هناك من يجيد التعامل مع هذه الطوابير ويجيد الزحام والخناق فيها
وهناك من لا يجيد ويرجع دائماً إلى الخلف وعندما

يأتى دوره لياخذ نصيبه فى الخبز يقول له البائع

" العيش خلص ..فوت علينا بكره يا سيد"


د إبراهيم

يمكن قراءة الموضوع على مدونة 
اتجاهات من هنا

88 أضافوا تعليق - أضف تعليق:

A.SAMIR يقول...

حسستني وانا قاعد في مكاني اني واقف في طابور يا دكتور
بس تعرف.....الطوابير في الصيف بتبقى هي الجحيم بعينه
تحيااااتي

norahaty يقول...

السلام عليكم ورحمة
الله تعالى وبركاته
طوابير ومفروضة علينا
لكن هل احنا اساساً
اتعلمنا الوقوف في كل دول؟؟ابداً
والله يادكتور ما انسى اول مرة شفت
طابور محطة الاتوبيس فى انجلترا بقيت
مسبهلة فى الاول مش فاهمةدول واقفين كده
ليه؟ ومين اللى وقفهم كده ؟لكن اتضح ان ده فى دمهم !!تقولش مصل بيخدوه وهم فى اللفة!!! عقبالنا !!!!

حاجــ عيال ــات يقول...

السلام عليكم
لسة في يادكتور طوابير كتيير حضرتك ماتكلمتش عنها في مصر
لكن عن طابور العيش دا مش يكون طابور دا بيكون معركة عشان اللي ياخد العيش بسرعه

ياريتنا نعرف نعمل طابور

غير معرف يقول...

إيه يا بروفسير هيما

إيه المقالات الجامدة دى

مش عارف أقولك إيه على الطوابير دى

حاجة مقرفة إنتشرت فى كل حاجة

حتى عند الجزمجى

ربنا يستر

د أحمد أمين

~*§¦§ Appy §¦§*~ يقول...

انا مليش فى الطوابير وبتخنق بس عموما الناس هى اللى معندهاش نظام اساسا

ahmed_k يقول...

ههههههه وكمان دلوقتي في
طابور جديد أضيف لقائمة الطوابير
وهو طابور محطات البنزين للتزود ببنزين 80أوكتين,
وهكذا نحن من طابور لطابور
نسأل الله العفو والعافيه

منى يقول...

وياريته بعد ما كتب وصيته يضمن عيش ادمى للورثه

بلد طوابير صحيح
تحياتى

محمد من المغرب يقول...

"الطابور" كمصطلح غير موجود في لهجة أهل المغرب، لكن لا مفر منه في الإدارات و المصالح الحكومية، انتظر و انتظر و ستنتظر و الدور لن يأتي :(

مولان يقول...

امممممممممممممم

اكره ما عليا الطابور خاصه وانا بدفع في خزينه الكليه

اما طابور العيش فاعتقد انه خلاص مبقاش موجود

يعني بقي العيش متوفر

الاهم هو انك تحترم النظام مش تبقي سبهلله

كل سنه وانت طيب يادكتور

kochia يقول...

كنت خايفة تنسي طابور العيش لكن الحمد لله افتكرته
ده اهم طابور
العيــــــــــش

تحياتي

طالبه الفردوس يقول...

السلام عليكم

ما شاء الله موضوع جميل

وما اكثر الطوابير فى مصر

رحــــيـل يقول...

معاك حق والله
بس فى بعض اماكن زى عندنا طبقه نظام البطاقه الشخصيه عشان تاخد كيس العيس بتاعك كمان توصيل للبيت وحاجات كده الواحد مش مصدق انها بتحصل ومبقاش فى طوابير عيش من الفجر زى الاول

تحياتى وتقديرى

من غير عنـــوان يقول...

وكما قال أحدهم... أصلها بلد شهادات... يمكن أن تكون أيضا بلد طوابير

أمنياتي

(أم البنين) يقول...

جزاك الله خيرا
كلمة طابور تنقلني إلى صورة
أتخيلنا ونحن نقف يوم الحساب في طوابير...عندما تنشر الصحف وننتظر الكتاب
وتتسارع دقات قلوبنا ونحن لا نعلم أي اليدين سترفع لتتلقى الكتاب
اللهم أجعلنا ممن يؤتون كتبهم بيمينهم
أسأل الله أن أراكم على باب الجنة ونحن جميعا نصرخ من الفرحة بعد الخروج من هذا الطابور ونحن نقول
((هاؤم إقرؤا كتابيه...إني ظننت أني ملاق حسابيه))

سبهللة يقول...

كله كوم وطابور العيش دة كوم تانى خااااااااالص
تحياتى ليك
وكل سنة وانت طيب
عيد سعيد ان شاء الله

صانعة الحرية يقول...

وهو الذى اضححك وابكى
ضحكت وبكيت
جزيت الجنه
ودمت مبدعا

blue-wave يقول...

ايه يا عم كل الطوابير دى؟؟؟؟
هههههههههههههههههههههههه
بس حلوة التدوينه والله
تحياتى

M.K يقول...

السلام عليكم...
أولا شكرا على المعلومات ..
حقيقه أول مره أعرفها..
.........
طابور العيش المصري أشهر طابور في العالم ..
الله يعين كل إنسان ..
يجاهد للحصول على حقه...
حتى لو كانت قوته اليومي كسرة خبز...
.......
الكراكاتير جميل..
بالرغم من الألم..
...
دمت بخير يا دكتور..

كلام وخلاص يقول...

موضوع مفيد وصورة الجبل جميلة جدا
فى اول سنة كلية كنا بنقف طابور قبل المحاضرات عشان نحجز فى المدرج وطابور قدام المشرحة عشان نحجز للسيكش صراحة كانت مآساة يعنى احنا مانعرفش ان طبيعة الطابور الاساسية انه واحد واحد مش خمسين خمسين فى الغالب كانوا بيتكدسوا فوق بعض كتلة بشرية واحدة كنوع من الترابط

Dr Ibrahim samaha يقول...

A.SAMIR
=======
اه يا دكتور فى الصيف طبعا الجو مش ناقص اصلا

بس برده اعزى دا لوجود حلول كالبطاقات والتوصيل للمنازل وإكشاك التوزيع وكده
منورنا يا زعيم

د إبراهيم

Dr Ibrahim samaha يقول...

norahaty
========
لا احنا عاد عندنا إدمان للطوابير المصرية المعروفة عالميا

والتطعيم هيعملنا

hypersensitivity reaction

يارب عقبالنا

منورة المدونة

د إبراهيم

Dr Ibrahim samaha يقول...

حاجــ عيال ــات
===============

ياريتنا فعلا نعرف نعمل طابور

منورة يا حاجات عيال

د إبراهيم

Dr Ibrahim samaha يقول...

د أحمد أمين
=========
إيه ياعم الزميل

فعلا حاجة مقرفة شكلها بتتنقل بالعدوى

droplet infection

:)

منورنا يا حبى

د إبراهيم

Dr Ibrahim samaha يقول...

~*§¦§ Appy §¦§*~
================

فعلاً من اسباب بشاعة الطوابير

عدم النظام

تحياتى

د إبراهيم

Dr Ibrahim samaha يقول...

ahmed_k
=======

نسيته دا

إضافة جديدة

وارحمنا يارب

منورنا ياباشا

د إبراهيم

Dr Ibrahim samaha يقول...

منى
==

يضمن عيش ادمى

اللى معظمه بيروح للفراخ

وربنا يستر

بلد طوابير صحيح:)

د إبراهيم

Dr Ibrahim samaha يقول...

محمد من المغرب
============
أو كما يقولون هنا فى مصر

فوت علينا بكره يا سيد

منورنا يا أخ محمد وأهلا بيك واهل المغرب

د إبراهيم

Dr Ibrahim samaha يقول...

مولان
====

إحترام النظام شىء اساسى فى كل شىء

منورة

د إبراهيم

Dr Ibrahim samaha يقول...

kochia
======

أهم طابور عالميا ومحليا

منورة

د إبراهيم

Dr Ibrahim samaha يقول...

طالبه الفردوس
=============

بلد طوابير صحيح:)

د إبراهيم

Dr Ibrahim samaha يقول...

رحــــيـل
=========

فعلا بس لو لاحظتى انا كاتب الموضوع من ايام ذروة الطوابير

منورة

د إبراهيم

Dr Ibrahim samaha يقول...

من غير عنـــوان
==============

فعلاً من طابور لطابور الواحد هيقضى طول عمره فى طوابي ولا إيه:)

منورنا

د إبراهيم

Dr Ibrahim samaha يقول...

(أم البنين)
==========

سلم يارب من هذا المنظر المهيب

اللهم آمين

جزاكم الله كل خير

د إبراهيم

Dr Ibrahim samaha يقول...

سبهللة
=====

دا مش كوم واحد قولى ميت كوم فوق بعض

وانت طيبة

د إبراهيم

Dr Ibrahim samaha يقول...

صانعة الحرية
===========

آمين ..ربنا يبارك فيكم

د إبراهيم

Dr Ibrahim samaha يقول...

blue-wave
========

ربنا يكرم اصلك يا دكتور

منورنا

د إبراهيم

Dr Ibrahim samaha يقول...

MK
==

هو وصل لعندكوا فى الإماارات

يا فضيحة مصر:)

طبعا أكيد الوسائل الإعلامية :)

منورة المدونة

د إبراهيم

Dr Ibrahim samaha يقول...

كلام وخلاص
========
ترابط :)

دا بكره يعملوا نقابة اللى واقفين فى الطابور ويعملوا عليهم تأمين:)

منورة المدونة

د إبراهيم

norahaty يقول...

السلام عليكم ورحمة الله تعالى وبركاته
كل سنة وانت بالف خير وصحة ياطبيب
وياريت وياريت وياريت وكمان ياريت
(اخد ساتر الاول واقول اللى فى نفسى)
بمناسبة الايام المفترجة دى والاعياد
السعيدة علينا وعليك وعلى الناس كلها تغير الصور بتاعة التعريف
ليه؟ انت انسان كرمك الله فليه ياطبيب تلبس هذا الماسك! جعلك الله بلسما شفاء
ومرة تانية كل سنه وانت والاسرة بخير

Dr Ibrahim samaha يقول...

norahaty
========

حاضر وكل سنة وحضرتك طيبة

من عنيا ...فعلا إزاى اكون سبب فى الشفاء والبس ماسك

شكرا

د إبراهيم

رئـــــيسـة حزب الأحلام يقول...

اولا كل سنه وانت طيب يادكتور
وايه كل الطوابير دى
بس كفانا الله شر الطوابير اصل انا مش من محبى وقفة الطوابير
تحياتى لك

Dr Ibrahim samaha يقول...

رئـــــيسـة حزب الأحلام
=====================

وربنا ميوعدكيش بطابور:)

كل سنة وانتى طيبة

منورانا

د إبراهيم

Mushtaqa Lelganah يقول...

السلام عليكم ورحمة الله وبركاته
ان شاء الله تكون بخير يا دكتور
الحقيقة دى اول زيارة ليا للمدونة
وعجبنى جدا تصميمها ما شاء الله
بالنسبة للتوبيك فهو شيق جدا برافو عليك يا دكتور
* بعد اذن حضرتك عندنا طلب لعله يكون بسبط بالنسبة لك ..واضح ان حضرتك خبير فى الفوتوشوب والتصميم
احنا أسرة يلا شباب فى الكلية وكنا عايزين شوية صور كده ندعم بيها اصداراتنا
واحنا عملنا جروب ع الفايس بوك http://www.new.facebook.com/group.php?gid=48482224987
نرجو ان حضرتك تشارك معانا
وده ايميل الجروب
yallashababgroup@yahoo.com
لو حضرتك تقدر تصمم لنا صور للجروب فاحنا هانكون شاكرين جدا لحضرتك
وإلى الأمام دائما يا دكتور
ومدونة موفقة بإذن الله

hager za3bal يقول...

موضوع رائع

بس انا جايه اقولك كووووووووول سنه وانت طيب

وان شاء الله هيكون عيد سعيد عليك

hager za3bal يقول...

♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒

ahmed_k يقول...

كل عام وأنتم بخير يا دكتور
وبعوده عليك الأيام بخير
وعيد اضحى مبارك عليكم

Dr Ibrahim samaha يقول...

Mushtaqa Lelganah
=================

منورة

بس حضرتك انا عايز بس العناصر وانا هصمم

وهى إيه إصدارتكم

وانا فى الخدمة

كل سنة وحضرتك طيبة

د إبراهيم

Dr Ibrahim samaha يقول...

hager za3bal
============

كل سنة وانتى طيبة

منورة المدونة

د إبراهيم

Dr Ibrahim samaha يقول...

ahmed_k
=======

كل سنة وانت طيب يا عمنا

منورنا والله

د إبراهيم

أحــوال الهـوي يقول...

ياه انا جيت متاخر و في اخر الطابور


المرة الجاية ابقي اجي بدري
تحياتي

Dr Ibrahim samaha يقول...

أحــوال الهـوي
============

لا يا استاذنا ولا يهمك

منورنا والله

د إبراهيم

Ahmed Al-Sabbagh يقول...

كل سنة وانتم والاسرة بخير

maxbeta3zaman يقول...

ثقفتنا طابوريا أخانا الكريم مع اننى من أكثر الناس وقوفا فى الطوابير ...هناك طابور لا يعرفه إلا من كان طالبا فى كلية عسكريه ..وقد كنت كذلك فى نهاية الستينات ..الطابور المهلك اسمه طابور الثبات وهو طابور يقف فيه طلبة الكلية انتبتاه دون حراك ولمدة قد تجاوز الساعة وربما الساعتين ..وكان مساعد الكلية -وهو أقدم طالب بالسنة النهائية - هو الذى يأمر به ويقف معنا فيه والسبب قد يكون دوشة أو تحرك للرؤوس فى طابور المساء مثلا أو تصرف مخل بالانضباط صدر عن طالب أو مجموعة طلاب فى سنة دراسية معينة ..أذكر مرة فى أوامر الكلية تلاوة الجزاء التالى : تجازى الطالب فولان الفولانى بسبعة أيام حجز بالمعسكر ذلك أنه ضبط بجهة الكلية يقزقز سودانى !!كان اللب والسودانى من المحرمات وكان طابور الثبات أحد طرق التهذيب الجماعى
تحياتى من آخر الطابور

norahaty يقول...

السلام عليكم ورحمة
الله تعالى وبركاته
أنا بقول تانى اهوه كل
سنة وانت والاسرة الكريمة
بالف خير وصحة وعافية

عـــفـــراء يقول...

السلام عليكم
الدكتور الفاضل
كل سنه وانت والاسره الكريمة بكل الخير
ويارب ايام مباركه وعيد سعبد عليكم
والجاى افضل ان شاء الله
خالص تقديرى...

esraa يقول...

كل دي طوابير
(:

كل سنة وانت طيب
ويارب يكون عيدك سعيد

حسن حنفى يقول...

كل سنه وحضرتك طيب وبخير يارب

حاول تفتكرنى يقول...

الطابور فلسفة رائعة

تضمن حقى وحقك وحقوق الاخرين على نفس المستوي من التكافؤ

ليتنا نتقنها

تحياتي

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

DR.HAMAS يقول...

هههههههه

ايه الطوابير دى كلها

ربنا يعافينا من الطابور الخامس

و من طابور العيش كمان

الحمد لله العيش بييجى لحد البيت







د.حماس

م/ الحسيني لزومي يقول...

تقبل الله منا ومنكم
وكل عام وانتم بخير

Hina wi Hinak يقول...

كل عيد وأنت وكل من تعز بخير وفي أحسن صحة وأسعد بال.

سلسبيل يقول...

علي فكرة كل حاجه ف حياتنا بقت طوابير ..احنا اصلا اتعودنا عليها
بس انت فكرتني خاصه بطابور المدرسه
والواحد يفضل متذنب وواقف يعمل اي حركات زي الاهبل بالظبط
وعايز يطلع الفصل ف الدفا
واصلا لسه نايم ومش عارف هو نزل بلبس المدرسه ولا بالبيجامه
اييييه كانت ايام ..الله لا يعيدها :D
احلا حاجه ف الكليه ان مافيهاش طوابير
لا تصدق
طلع فيها
طابور قدام لجنه امتحان الشفوي
طابور قدام معمل المايكرو قبل امتحان العملي
طابور قدام مكتب عم عيسوي عشان نشتري كتاب الفارما
وطابور كبيييييير ف معمل الميديسنال قدام ال
reagents
غالبا مفيش امل
الحل الوحيد اننا نستسلم وكل واحد فينا ياخد كورس ف ايتيكيت الطابور
تحياتي

حياتي كلها لله يقول...

السلام عليكم

إن لم تطف بالبيت لأنه عنك بعيد ....فلتقصد ربك البيت فإنه أقرب إليك من حبل الوريد و إن لم تسع بين الصفا و المروة فلتسع في الخير أينما تجده و إن لم تقف بعرفة فلتقم لله بحقه الذي عرفه و إن لم ترجم إبليس بالجمرات فلترجمه بفعل الخيرات و ترك المنكرات و إن لم تذبح هديك بمني فلتذبح فلتذبح هواك هنا فتبلغ المني
اللهم تقبل منا صالح أعمالنا و دعائنا كل عام و أنتم بخير .....

أعاده الله علينا بالخير و اليمن و البركات


عيد سعيد
تحياتي
سلمي

kh يقول...

السلام عليكم ورحمه الله وبركاته

الأول سنه وأنت طيب

ثانيا يا دكتور الطابور ده شئ جميل فى حد ذاته وبيدل على النظام بس اللى احنا بنشوفه ده مش طابور ده العديد من الطوابير مع بعض

وسلااااااااااااااااااااام

موناليزا يقول...

مشكور على معلومة جبل الطابور والطابور الخامس
وبقية الطوابير حقا ينقصها النظام وفتح كذا شباك
كل سنة وانت طيب

fashkool يقول...

دكتور ابراهيم : كل سنه وانت طيب .. بقى جاى تتكلم عن الطوابير عندنا واحنا احسن ناس نعرف ونفهم فى الطوابير .. احنا عندنا الطوابير مقرر يومى لابد من المرور فيه اكثر من مره فى اليوم واذا ما لقيناش طابور ولا لزوم له .. نعمل احنا طابور .. اصل احنا بقينا مطوبرين .. مره واحد واقف على الكورنيش بيتفرج على البحر .. بص لقى وراه طابور كبير وسأل هو الطابور ده عشان ايه .. قالوا له كل ما حد يشوف ناس واقفين ياخد دوره فى الطابور .. قام ترك الطابور وانصرف وبعد يومين بيبص على الحته لقى الطابور طوله كيلوا والناس لسه واقفين .. تحياتى وكل عام وانت بخير

Dr Ibrahim samaha يقول...

Ahmed Al-Sabbagh
================

وانت طيب

منورنا

د إبراهيم

Dr Ibrahim samaha يقول...

maxbeta3zaman
=============

لم أعلم بوجود هذا الطابور ولكنها إضافة رائعة من حضرتك
فقد أضفت فائدة للطابور بالإيجاب

وهو التهذيب

منورنا

د إبراهيم

Dr Ibrahim samaha يقول...

norahaty
========
تانى أهو

اعتبر دا تهديد :)

وحضرتك طيبة وبخير وبسعادة..

د إبراهيم

Dr Ibrahim samaha يقول...

عـــفـــراء
===========
كل سنة وحضرتك طيبة وأسرتك وأهلك بصحة وسعادة.

منورة المدونة

د إبراهيم

Dr Ibrahim samaha يقول...

esraa
=====
أه كل ده:)

كل سنة وحضرتك بصحة وخير وسعادة

د إبراهيم

Dr Ibrahim samaha يقول...

حسن حنفى
========
كل سنة وأنت بصحة وخير وسعادة..

منور المدونة.

د إبراهيم

Dr Ibrahim samaha يقول...

حاول تفتكرنى
===========

ليتنا نتقنها ونعلم أنها لأخذ حقوق ليس لعمل الكوسة

منور المدونة

د إبراهيم

Dr Ibrahim samaha يقول...

kochia
======
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

Dr Ibrahim samaha يقول...

DR.HAMAS
========

فعلا ربنا يعفاينا ويحمينا

بس قبل ما كان بيجى البيت كان فى الأصل طابور وعلى الأصل دور

وفيه محافظات مطبقتش الموضوع بتاع التوصيل للبيوت ده

منورنا يا دكتور

د إبراهيم

Dr Ibrahim samaha يقول...

م/ الحسيني لزومي
==============
كل سنة وحضرتك بصحة وخير وسعادة

د إبراهيم

Dr Ibrahim samaha يقول...

Hina wi Hinak
=============
كل سنة وحضرتك بصحة وخير وسعادة

د إبراهيم

Dr Ibrahim samaha يقول...

سلسبيل
======

لا طوابير الكلية دى كوم

وأحسن طابور وانتى راحة تاخدى مكافأة الثانوية أو الامتياز او التفوق

وعينك ماتشوف إلا النور

د إبراهيم

Dr Ibrahim samaha يقول...

حياتي كلها لله
============
كل سنة وحضرتك بصحة وخير وسعادة

د إبراهيم

Dr Ibrahim samaha يقول...

موناليزا
========
كل سنة وحضرتك بصحة وخير وسعادة

لا دول مش عايزين شبابيك ولكن أبواب

منورة المدونة

د إبراهيم

Dr Ibrahim samaha يقول...

fashkool
========

يا استاذنا فشكول

اهو بيقولوا وشهد شاهد من أهلها

واحنا بقى عندنا إدمان للطوابير..:)

منورنا والله

د إبراهيم

Dr Ibrahim samaha يقول...

kh
==
كل سنة وحضرتك بصحة وخير وسعادة

فعلا مش طابور واحد دول 100طابور فى بعض

منور المدونة

د إبراهيم

TeVa يقول...

ارحمنا يارب من الطوابير وانواعها
آمين يارب

يلا بقى سلام

Dr Ibrahim samaha يقول...

TeVa
====

يارب ارحمنا

تحياتى لك

د إبراهيم

norahaty يقول...

تهديد ايه ياطبيب ؟
احنا نقدر برضه؟

Dr Ibrahim samaha يقول...

norahaty
========

منا بقول برضه:)

د إبراهيم

Dr Ibrahim يقول...

http://directions-b.blogspot.com/2008/12/queues.html

إرسال تعليق

مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ..ق18

نصف الموضوع = تعليقك عليه ...