الأربعاء، 26 نوفمبر، 2008

- ترجمة مدونتك لأشهر لغات العالم.

السلام عليكم ورحمة الله وبركاته

أهلا بكم.......

هناك الكثير من يعرف كيف يترجم مدونته من خلال نظام

ترجمة جوجل أو Google translation

وهناك ايضا من وضع كوداً فى مدونته بطريقة

ما لكى يتيح لزواره ان يترجم المدونة.

وترجمة المدونة شىء اساسى لنشر اراء المدونة فى جميع بلدان العالم

مما يزيد من شعبيتها ومستوى قراءتها

ولقد طورت كودا بسيط شكله لطيف لعمل ذلك ..

مثال : موجود بأعلى يسار المدونة ولكى يعرف القارىء أن هذه ترجمة

ويكتب على عنوان الصندوق translate to

لكى يتم فهم هذا على إعتبار ان القارىء لايقرأ العربية

ومن المؤكد أن الكود سيتم وضعه فى صندوق HTML/JavaScript

وذلك عند إضافة widget للقالب

و لقد وضعت الكود فى ملف نوت بادnotepad

للتحميل الرابط الصحيح من هنا


أى اسئلة أخرى انا موجود

دعواتكم .....

د إبراهيم

61 أضافوا تعليق - أضف تعليق:

maha zein يقول...

بس الترجمة بتكون حرفية يعني ولا ايه
يعني هيترجم ذي ما انا كتبة
عموما انا نص كلامي مش هينفع يترجم
فخلاص بقه
جزاك الله خير علي الافادة
بس انت حد طلب منك كود يا عم؟
حاجة غريبة
ههههههههههههههههه

Dr Ibrahim samaha يقول...

maha zein
=========
لا هو ترجمة جوجل بالظبط بس بشكل لطيف

ترجمة حرفى ممكن

وأحييكى على صراحتك ان مدونتك متنفعش تترجم

وانا عملت الكود قلت احطه يمكن ينفع حد

واللى عايزه ياخده مش عايزه برده أهلا وسهلا بيه

منورة

د إبراهيم

M.K يقول...

د.إبراهيم ...
السلام عليكم ...
شكرا جهدك و على المعلومات ....
ولاكني لا أثق بترجمة جوجل...
........
دمت بخير ...
ونفع الله بك..

حاجات جوايا يقول...

جزاك الله خيرا اخى الفاضل
جهد مشكور بارك الله فيك
حتى لو الترجمة حرفية فلن تضير
المشكلة انها جت عندى بشكل طولى وعايزة اخليها عرضية زى عندك كده .. رغم انى نقلتها بين الاعمدة مفيش فايده برضه

كمان لما جربت اترجم مرضيش عندى وقالى Bad Request
Error 400 Error 400

رغم انه قبل عندك لما جربته

اغيثونى اغاثكم الله

خالص شكرى
سالى

Dr Ibrahim samaha يقول...

M.K
===
بس الضرورات فيه حاجة تانية؟

منورة المدونة

د إبراهيم

Dr Ibrahim samaha يقول...

حاجات جوايا
==========

خلاص عملت تحديث

كده تمام اى مشاكل تانية

منورة المدونة

د إبراهيم

norahaty يقول...

السلام عليكم ورحمة
الله تعالى وبركاته
شكراجزيلا وجزاك الله خيرا
سوف نفعله اما النتيجة
فسوف تراها بنفسك ...
احتراماتى

واحدة مفروسة يقول...

:S ده غير اللى انا حاطاه؟؟؟؟
خيانه عظمى
و لو هوه اللى انا حاطاه
:(انت بتجرب فيا؟؟؟؟؟؟؟

~*§¦§ Appy §¦§*~ يقول...

شكرا ليك ولو انى مش حبه خالص ان مدونتى تترجم يا دكتور انا بكتب كلمات متنفعش خالص تترجم هيترجموها ازاى وبعدين يعنى بكتب عن البلد يرضيك انشر غسيلنا كده انا ابنى اربيه انما محدش غيرى شكرا على مجهودك

رئيس جمهوريه نفسى يقول...

السلام عليكم ورحمة اللة وبركاته
الف شكر يا دكتور على مجهودك وتعبك جزاك الله خير الجزاء عنه ان شاء اللة بس انا ليه وجهة نظر معظمنا بيكتب بالعامية فالترجمه الحرفية حتضيع كتير من معنى البوست فا انا عن نفسى بشكرك بس مش بفضل موضوع الترجمة ده

ghoneem يقول...

السلام عليكم

مدونة جميلة وموضوع مفيد جدا ربنا يجازيك خير

كل عام وأنت والمسلمين بخير

انا قلقت علي فكرة وأنا بفتح التلاجة
هههههههههههه

تحياتي

بالتوفيق...............

Dr Ibrahim samaha يقول...

norahaty
========

جزانا وإياكم إن شاء الله

ارونا

د إبراهيم

Dr Ibrahim samaha يقول...

واحدة مفروسة
===========

لا هو هو ولا بجرب عليكى ولا حاجة

منورانا

د إبراهيم

Dr Ibrahim samaha يقول...

*§¦§ Appy §¦§*~
==============

لا طبعا وتنشريه ليه

وأحييكى على صراحتك فى ان مدونتك باللغة العامية ومتنفعش تترجم

د إبراهيم

Dr Ibrahim samaha يقول...

رئيس جمهوريه نفسى
================

جزانا وإياكم

فعلا اللغة العامية هتضيع كتير من معنى الترجمة

شكرا لك

منورنا

د إبراهيم

Dr Ibrahim samaha يقول...

ghoneem
=======

جزانا وإياكم

ولا هتتقفل عليك ولا حاجة

منورنا

د إبراهيم

صانعة الحرية يقول...

may Allah reward you with goodness

صانعة الحرية يقول...

سؤال
ربنا يعزك
كيف يمكننى كتابة الرواباط على هيئة كلمات
مثل اضغط هنا
وهنيا لك يا فعل الخير والثواب

Randa El- Adawi يقول...

I'm already have one from Google gadgets

thanks for helping others :)

غمض عينيك يقول...

بجد تسلم ع الفكرة وع الكود
انا لسه مجربتوش
بس بيتهيألي ان المدونة عشان تترجم لازم تكون مكتوبة بطريقة لغوية صحيحة
صح ولا ايه؟
بس هي فكرة ممتازة الصراحة..تسلم ايدك

محمد سمير

Dr Ibrahim samaha يقول...

صانعة الحرية
===========
وإياكم

بارك الله فيكم

د إبراهيم

Dr Ibrahim samaha يقول...

صانعة الحرية
===========
مش ينفع اكتب الخطوات هنا

لذلك انا عملتها فى ملف يمكن تنزيله من هنا
http://rapidshare.com/files/168219414/links.txt
وأى سؤال أخر نحن فى الخدمة

د إبراهيم

Dr Ibrahim samaha يقول...

Randa El- Adawi
===============

فعلا انا لقيته ولكن بعد ما عملت الكود بتاعى بس عشان انا تعبان فيه فطعمه وشكله من رأييى أحسن

منورة المدونة

د إبراهيم

Dr Ibrahim samaha يقول...

غمض عينيك
=========

تسلملى يا غالى

فعلا والطريقة العامية متنفعش

واهو اللى عايز يجرب

منورنا يا ابو سمير

د إبراهيم

fashkool يقول...

السلام عليكم .. والله يا دكتور هو انا بعرف اعمل الحاجات الطبيعيه .. لكن حاحاول وعلى الله التساهيل .. تحياتى

TeVa يقول...

السلام عليكم ورحمة الله

فكرة جميلة ومجهود رائع يا دكتور أحيك عليه :)
مكنتش أعرف إن حضرتك ليك في البرمجة
كده انا استخبى بقى :))

شكرا مرة تانية
وهحاول أشوف الفكرة دي إن شاء الله :)
سلام

daktara يقول...

شئ رائع ومفيد هحاول اجربه
شكرا ليك

حاجات جوايا يقول...

السلام عليكم أخى الفاضل

نزلت الملف وحطيت الكود وكله تمام الحمد لله

الف شكر أخى الفاضل
وكل عام وانت بخير

Dr Ibrahim samaha يقول...

fashkool
========

ربنا يسهلها معاك

منورنا يا استاذ فشكول

د إبراهيم

Dr Ibrahim samaha يقول...

TeVa
====

لا ازاى العفو يا باش مهندس

انتا الكبير يا باش مهندس

منورنا

د إبراهيم

Dr Ibrahim samaha يقول...

daktara
======

العفو يا دكترة

منورنا

د إبراهيم

Dr Ibrahim samaha يقول...

حاجات جوايا
==========

الحمد لله دعواتكم بقى

د إبراهيم

منى يقول...

حلوه الفكره
خصوصا لو مدونه فصحى وبتتكلم عن موضوع دينى او تاريخى
اعرف حد كان محتاج الموضوع ده
هاخد الرابط ان شاء الله اوديه هناك
تحياتى

Dr Ibrahim samaha يقول...

منى
==

جزاكم الله كل خير يا استاذة منى

منورة المدونة

د إبراهيم

موناليزا يقول...

ميرسى جدا يادكتور
ان شاء الله هجربها
جزاكم الله خيرا على محاولتك لنفع الناس

Dr Ibrahim samaha يقول...

موناليزا
=======
جزانا وإياكم إن شاء الله

منورة

د إبراهيم

أخـــ مسلمة ـــت يقول...

جزاكم الله خيرا علي الافادة
اول زيارة بفائدة عظيمة
اكيد هاجي هنا كتيير ان شاء الله

تحياتي

Dr Ibrahim samaha يقول...

أخـــ مسلمة ـــت
================
ربنا يكرمك ويجعل كل زياراتك مفيدة واستفادة ان شاء الله

منورة المدونة

د إبراهيم

prince4ever يقول...

متشكرين اوي يا دكتور ابراهيم عالافاده الجامده دي
بس سؤال.. الترجمه بتبقى ازاي..
يعني انا بكتب قصص..هتترجم حرفي و لا ادبي..
بس بجد خدمه كويسه جدا و ان شاء الله هاخد الكود
شكرا ليك يا دكتور
و اعذرني عالتقصير في حق مدونتك المفيده و الرائعه
تحياتي

Dr Ibrahim samaha يقول...

prince4ever
===========

هو تقريبا حرفى بس مش حرفى اوى

بس اهو احسن من مافيش

بارك الله فيك

د إبراهيم

سلوى يقول...

موضوع رائع جزيت كل الخير

والكود شغااااااااال
وأنا استخدمته
شكرا ااااااااا

دمت بكل الخير

Dr Ibrahim samaha يقول...

سلوى
====
جزانا وإياكم إن شاء الله

د إبراهيم

غير معرف يقول...

جزاكم الله خيرا يا فندم
جارى تنزيلالملف
معذرة العتب على النظر
اختك ام القسام
صانعة الحرية

Dr Ibrahim samaha يقول...

صانعة الحرية
===========
لا ولا يهمك منورة تانى مرة

د إبراهيم

علاء سالم يقول...

بأشكرك بجد على الإفاده دي
بقالي فتره بحاول أعملها بس مكنتش عارف الطريقة

خالص تحياتي

Dr Ibrahim samaha يقول...

علاء سالم
=======
العفو يا أستاذ علاء

منورنا

د إبراهيم

أحــوال الهـوي يقول...

دكتور ابراهيم

تحياتي الي شخصك الكريم
و امنياتي لك بالصحة و العافيه

تحياتي

Dr Ibrahim samaha يقول...

أحــوال الهـوي
=============

الله يكرمك حضرتك

دا من كرم حضرتك والله

منور المدونة

د إبراهيم

موناليزا يقول...

ممكن تزورنى على المدونة وتقولى ايه اللى ناقص عندى
عملت الترجمة ومش راضيه تشتغل
ومش عارفة ليه؟

Dr Ibrahim samaha يقول...

موناليزا
=======

حضرتك لعبتى فى الكود ومعملتيش زى منا قلت بالظبط..

وعلى فكرة لو حضرتك حبيتى تمسحى الحقوق امسحيها كلها انما متحطيش برمجة المرحوم

وتحطى اللينك بتاع حضرتك

ولو عايزة الكود من غير حقوق قولى وانا مش هقول لا

منورة المدونة

د إبراهيم

موناليزا يقول...

اشكرك لتنبيهى بان اللينك بتعاك عندى كان مستبدل باللينك بتاعى اعذرنى فهت غلط
عموما دى الحمدلله فهمتها ورجع لقواعده سالما
لكن لسه برضه مش عارفة ايه الغلط اللى عملته فى الكود
انا شيلت علامة النجوم ووضعت اسم مدونتى ذى ماقلت يبقى ايه الغلط ؟

Dr Ibrahim samaha يقول...

موناليزا
========
الغلط ان فيه كمان كود متكرر

من الأفضل ان تنزليه تانى

وتضعكى الرابط بدل من النجوم

وهيبقى كله تمام

د إبراهيم

موناليزا يقول...

متشكرة جدا يادكتور
اخيرا اشتغل

Dr Ibrahim samaha يقول...

موناليزا
=======

العفو

دعواتكم

د إبراهيم

Tariq ez-alden يقول...

مشكور دكتور هيما

بارك الله جهودكم

فى ميزان حسناتكم ان شاء الله

ولكن لو ممكن الكودالخاص بعرض الموضوعات كشريط متحرك فى اعلى المدونة

تقبل مودتى

Dr Ibrahim samaha يقول...

Tariq ez-alden
==============

فى الموضوع القادم بإذن الله

منورنا

من غير عنـــوان يقول...

شكرا على المعلومات القيمه

تحياتي

Dr Ibrahim samaha يقول...

من غير عنـــوان
===============

العفو اى خدمة

نهــــــــــار يقول...

السلام عليكم دكتور إبراهيم...
أنا زي ما أنا لا أثق بترجمت جوجل بس بالفعل احسست بحاجتي لها لأن لدي مدونين من أمريكا الاتينيه ومش بيعرفو إنجليزي خالص...
في إحتمال أضيفه لمدونتي..
فا بس حبيت أقولك..
إني بالفعل الآن أحسست بكلام التعليق
الذي كتبته لي..
........
وجزيت خيرا

Dr Ibrahim ... يقول...

نهار
===

شوفتى بقى حضرتك :)

جزانا وإياكم إن شاء الله...

Dr Ibrahim يقول...

http://directions-b.blogspot.com/2008/11/translate-your-blog-to-many-languages.html

إرسال تعليق

مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ..ق18

نصف الموضوع = تعليقك عليه ...